Երևանի թաքնված թանգարանները

Լուսիկ Ագուլեցու տուն-թանգարանում իրենց տեղն են գտել 40 տարվա որոնողական ու հավաքչական աշխատանքի պտուղները։

Տուն-թանգարանում ներկայացված են հին իրեր, խեցեղեն,դրամների հավաքածու, միջնադարյան արժեքներ, հնատիպ գրքեր ու սրբապատկերներ, գորգեր, տարազ, աշխատանքային գործիքներ, զենք, պերճանքի առարկաներ, ծիսական տիկնիկներ և այլն։

Հիմնադրվելով 2019 թվայանին՝ թանգարանը զարգացել է և այսօր թանգարան լինելուց բացի մշակութային հարթակ է, որտեղ տեղի են ունենում բազմապիսի համերգներ, միջոցառումներ։ Թանգարանին կից կա սրճարան, որտեղ կարելի է համտեսել հայկական ազգային խոհանոցի ուտեստներ՝ ժամանակակից ընթերցմամբ։

Աշխատանքային ժամերը՝ 12:00 - 19:00

Լրացուցիչ տեղեկություն՝
Էքսկուրսիաների համար գրանցվել նախապես։
Հայերեն էքսկուրսիա՝ 3000 դրամ
Անգլերեն/ռուսերեն Էքսկուրսիա՝ 4000 դրամ

Տոմսեր
Տեղացիների համար՝
Մուտքի տոմս՝ 1500 դրամ
Երեխաների տոմս՝ 700 դրամ
Թոշակառու/ուսանող՝ 1000 դրամ

Օտարերկրացիների համար՝
Մեծահասակներ՝ 2500 դրամ
Երեխաների՝ 1500 դրամ

Հայաստանի փայտարվեստի թանգարանը հիմնադրվել է 1977 թվականին և իր տեսակի մեջ միակն է երկրում։ Այստեղ ցուցադրվում են փայտից պատրաստված քանդակներ, գործիքներ, կենցաղային իրեր և զարդեր։ Թանգարանի էսքիզները ստեղծել է Գրիգոր Խանջյանը, իսկ մետաղյա ձևավորումը՝ Վարդան Օհանյանը։ Հավաքածուն ձևավորվել է նվիրատվությունների և գիտարշավների արդյունքում։ Թանգարանի նպատակն է պահպանել և ցուցադրել փայտարվեստի գլուխգործոցները, զարգացնել ազգային փորագրությունը։ Այստեղ անցկացվում են նաև ցուցահանդեսներ, մշակութային միջոցառումներ և դասախոսություններ, որոնց կարող են մասնակցել տարբեր տարիքի մարդիկ։

Ցուցադրությունը պայմանականորեն բաղկացած է երեք բաժիններից՝ հնագույն մշակույթի, քանդակի, կիրառական արվեստի:

Մուտքավճարը՝ 1000 դրամ, աշակերտների, ուսանողների և թոշակառուների համար՝ 500 դրամ: Մինչև 12 տարեկան երեխաների մուտքն անվճար է։

Ժողովրդական արվեստի կենտրոնի առաքելությունն է նյութական և ոչ նյութական մշակութային ժառանգության արժեքների պահպանումը, շարունակականու­թյան ապահովումն ու հանրահռչակումը: Շուրջ 10.000 առարկայից կազմված հավաքածուն ընդգրկում է գորգագործության, փայտարվեստի, ասեղնագործության և ժողովրդական արվեստի այլ ոլորտներ:

Այստեղ հաճախակի կազմակերպվում են ցուցահանդեսներ և միջոցառումներ, իրականացվում են կրթամշակութային ծրագրեր, վարպետության դասեր:

Այցելության արժեքը՝
Մեծահասակներ՝ 1500 դրամ
Աշակերտներ, ուսանողներ, թոշակառուներ՝ 750 դրամ
Մինչև 12 տարեկան երեխաներ՝ անվճար

Էքսկուրսիոն ծառայություն՝ հայերեն՝ 2000 դրամ, օտար լեզվով՝ 3000 դր:

2009թ. Դավթաշենի ԴՈՍԱՖ-ի նախասրահում բացվեց փոքրիկ թանգարան, որտեղ պահպանվում է ռադիոսպորտի ֆեդերացիայի անդամների շնորհիվ տարիների ընթացքում հավաքված բազմապիսի ռադիո տեխնիկան:

Առաջին ռադիոընդունիչներից և Երկրորդ համաշխարհային պատերազմի տարիներին կիրառված ռազմական ռադիոսարքավորումներից բացի, այստեղ կարելի է հանդիպել նաև հնատիպ հեռախոսներ,տպիչ սարքեր և նույնիսկ առաջին հեռուստացույցների նմուշները:

Այս մասնավոր թանգարանում ցուցադրված են թանգարանի հիմնադրին պատկանող 30 000 ցուցանմուշներից՝ 5 000-ը: Այստեղ ներկայացված են Մեծամորում պեղված 5000-ամյա սափոր և նույն տարիքի մարդու կմախք, մի քանի դարի պատմություն ունեցող սրվակներ, բժշկական գործիքներ, հնատիպ գրքեր, ինչպես նաև ժամանակին ականավոր հայ բժիշկներին պատկանած իրեր:

Հայ բժշկության թանգարանը, որը հիմնադրվել է 1999 թվականին և հիմնված է Հարություն Մինասյանի անձնական հավաքածուի վրա, նպատակ ունի հավաքել, պահպանել և ցուցադրել հայ ժողովրդի դարավոր բժշկական մշակութային ժառանգությունը՝ պեղածո, ազգագրական, կենցաղային և բժշկական նյութերից մինչև գրքեր, փաստաթղթեր, լուսանկարներ, երաժշտական գործիքներ, կահույք ու անձնական իրեր, որոնց թվում են նաև եզակի և արժեքավոր նմուշներ՝ հնագույն սափորներ, ձեռագիր գրքեր, բժշկական գործիքներ, ինչպես նաև հայ և օտարազգի նշանավոր բժիշկների կենսագրական նյութեր, լուսանկարներ ու անձնական իրեր: Այդ ամենը ներկայացվում է հայ բժշկության հարուստ ավանդույթներն ու պատմությունը ինչպես հայաստանյան, այնպես էլ սփյուռքի և օտարերկրյա այցելուներին։

Թանգարանի մուտքն ազատ է, սակայն անհրաժեշտ է նախապես պայմանավորվել՝ զանգահարելով 093 309 237:

Լուսանկարիչ Հայկ Բիանջյանը 2005 թ-ից զբաղվում է հին իրերի հավաքչությամբ: Այսօր նա ունի խորհրդային տարիների կյանքն ու կենցաղը ներկայացնող մեծածավալ հավաքածու, որի մի մասը ներկայացված է ինտերակտիվ թանգարանում:

Soviet Club-ը բացառիկ վայր է, որտեղ այցելուները մի ակնթարթում հայտնվում են սովետական մարդու կենցաղը բնութագրող միջավայրում։

Ակումբն իր ֆորմատով տարբերվում է շատերին ծանոթ թանգարաններից, քանի որ այստեղ այցելուն անմիջական շփման հնարավորություն ունի՝ ներկայացված բոլոր էքսպոնատների հետ։ Նաև ակումբն ունի ժամանցային և սրճարանային ձևաչափ, որտեղ կարելի է կատարել կարճ ճամփորդություն դեպի ոչ հեռու անցյալ։

Նոր Նորքի 2-րդ զանգվածի հարևանությամբ գտնվող Ճարտարագիտական քաղաքի տարածքում 2015 թ-ից գործող թանգարանը ներկայացնում է Խորհրդային Հայաստանի արդյունաբերական անցյալը: Այստեղ կարելի է տեսնել էլեկտրական մսաղացից մինչև դյուրակիր հեռուստացույցներ, հայկական արտադրության էլէկտրական մեքենաներ և առաջին համակարգչի ստեղնաշարի նախատիպերը:

Երևանի երկաթգծի կենտրոնական կայարանում գործող թանգարանի հավաքածուն ընդգրկում է մոտ 200 թանգարանային առարկա: Ցուցադրությունը սկսվում է 1895 թ-ից, երբ ռուսական կայսր Նիկոլայ II-ին ներկայացվում է Կարս-Ալեքսանդրապոլ-Թիֆլիս երթուղիով երկաթգիծ կառուցելու հայտը: Ցուցադրությունում կարելի է տեսնել 1960-70-ական թթ-ին երկաթուղային ոլորտում կիրառվող սարքավորումներ` հեռախոսներ, հեռագրային սարքեր, ազդանշանային շեփոր, «Կկու» շոգեքարշի ազդանշան-սուլիչ, 1958թվականի տոմսերի դակիչ:

Արթուր Թարխանյանի անվան հայկական մոդեռնիզմի թանգարանը, որը գործում է Թարխանյան կենտրոնում, հիմնադրվել է 2018 թվականին Անահիտ Թարխանյանի կողմից։ Թանգարանը նպատակ ունի ներկայացնել և պահպանել XX դարի կեսերի հայկական մոդեռնիզմի ժառանգությունը՝ ցուցադրելով այն ճարտարապետների ստեղծագործությունները, որոնք ձևավորել են Հայաստանի ինքնատիպ ճարտարապետական դիմագիծը՝ համադրելով ազգային ավանդույթներն ու նորարարական մոտեցումները։ Այստեղ անցկացվում են ցուցահանդեսներ, կրթական ծրագրեր և համագործակցություններ, որոնք ընդգծում են հայկական մոդեռնիզմի նշանակությունը և նպաստում դրա հանրահռչակմանը թե՛ Հայաստանում, թե՛ միջազգային հարթակում

Հայաստանում Կապի միակ թանգարանը վերաբացվել է 2024 թվականին։ Այստեղ ներկայացված են Հայաստանում կապի զարգացման պատմությանը վերաբերող նմուշներ, սարքավորումներ և նյութեր։ Թանգարանի այցելուները կարող են ծանոթանալ Հայաստանում հեռահաղորդակցության էվոլյուցիային, տեսնել կապի սարքեր՝ 19-րդ դարից սկսած մինչև ֆիքսված, բջջային և ինտերնետ կապի թվային ժամանակակից միջոցներ։

Թանգարանի մուտքն ազատ է, կարելի է այցելել՝ կատարելով նախնական գրանցում՝ զանգահարելով 010 410410 հեռախոսահամարին կամ գրելով [email protected] էլ․ հասցեին։

www.telecomarmenia.am

Հայաստանում միակ օծանելիքի թանգարանը ներկայացնում է շուրջ օծանելիքի 6000 նմուշ: Հնագույն ժամանակներից պահպանված նմուշներ կան, վինտաժ օծանելիքի մեծ տեսականի: Նաև առաջարկվում է անհատական օծանելիքի ստեղծման հնարավորություն։

Թանգարանի էքսկուրսիայի արժեքը՝
մեծահասակներ՝ 2000 դրամ
դպրոցականների՝ 600 դրամ

Անհատական օծանելիքի պատրաստում՝
10-20րոպե 20 մլ՝ 15,000 դրամ, 30 մլ – 20,000 դրամ
Խորացված պատրաստում՝ 1ժամ՝ 30 մլ – 30,000 դրամ, 50 մլ – 40,000 դրամ

Աշխատանքային ժամերը՝ 10։30-19։30
Նախապես գրանցվել ցանկալի է, բայց պարտադիր չէ։